Tu Na Aya Ghazi

Tu Na Aya Ghazi Lyrics

Tou Na Aya Ghazi (as)

●Haye Abbas (as) Haye Abbas

Al e Imran Kahan, Aur Zindan Kahan

Ly Behan Qaid Hui, Tou Na Aya Ghazi (as)

●Agaye Sham e Alm, Lut Gaye Ehl e Haram

Rait Per Jalti Hui, Hogaya Thanda Alam

Pursa Denay Ky Liye, Tujh Sy Milne Ky Liye, Agaye Baba Ali(as)

●Dhoop Main To Tha Shajr, Tujhsay Abad Tha Ghar

Hai Barhana Mera Sar, Kya Nahi Tujh Ko Khabar

Aye Alamdar e Wafa, Us Behan Ko Ba Khuda, Tujhsay Dharas Thi Bari

●Kya Kahon Sher Meray, Be Rida Hum Ko Liye

Yea Musalman Saray, Shehr Dar Shehr Gaye

Khalqat e Kufa Kabhi, Khalqat e Sham Kabhi, Baraha Hum Py Hansi

●Kitni Bebas Thi Behan, Aye Shehanshah e Wafa

Naam Ly Ly Ky Mera, Jab Yea Zalim Ny Kaha

Naz Tha Jis Py Tujhay, Ab Bulao Na Usay

Aur Main Roti Rahi

●Hum Ko Pani Na Mile Teri Khushboo To Rahay

Teray Bazu Na Katain, Chahe Mashkeza Chiday

Yea Magar Ho Na Saka Teray Bazu Hain Juda

Mujh Py Hai Tashna Labi

●Kya Sakina (sa) Sy Kahon, Aye Meray Dil Ky Sukoon

Haye Pani Ky Liye, Beh Gaya Sub Tera Khoon

Abb Koi Aas Nahi, Tou Meray Pass Nahi

Rasi Shanoon Main Bandhi

●Jab Chali Sheh Pe Churi, Aye Meray Sher e Jari

Hath Malti Thi Behan, Kuch Qadam Dur Khari

Kaat Gaya Sheh Ka Gala, Haye Bhai Ny Sada

Mujh Ko Har Zarb Py Di

●Qaid Khane Main Qaza, Jab Sakina Ko Mili

Dy Ky Kurtay Ka Kafan, Bachi Dafnaye Gaye

Us Ghari Naam Tera, Surat e Naad e Ali

Bus Main Dohrati Rahi

●Roya Rehan Kalam, Kar Ky Yea Baat Rakam

Khoon Main Doob Gaya, Mera Ghazi Ka Alam

Zakhmi Zainab Ka Jigar, Khoon Fishan Shah Ka Sar

Aye Khaymon Main Shaqi, Tou Na Aya Ghazi (as)