Hamdard

Hamdard Song Lyrics

میں اُجڑ گیا تاں کیا ہویا توُں جُگ جُگ وسدا راہویں

‎تیڈے رستے مل کے بہونڑا اے تُوں آویں یا نہ آویں

‎دِل ہور کتھے میرا لگدا نہیں انج لگئیا اے تیڈے ناویں

‎جڈاں ساجد قسمت ہر جاوۓ نہیں راہندے نال پچھاویں

‎اوہ کہڑے لوک ہن دُنیا تے جہڑے یار وفاواں کردے ہن

‎اوہ یار نوں تک تک جیندے ہن اوہ یار دے ناں تے مردے ہن

‎کل سفر دے وچ میکوں نظر آئے ڈوں روگی محبتاں والے

‎ھک بئے نوں پیش پئے کردے ھن نظراں دے بھر بھر پیالے

‎ھائی لالی ڈوہاں دے مکھڑاں تے ڈوھاں پائے ھن کپڑے کالے

دل ساڈا ساجد انج دھڑکاۓ ساکوں جان دے پے گۓ لالے

‎تیکو زندگی دے ہر موڑ اُتے مسکین نمانڑیں یاد آسی

‎کیویں روندا چھوڑ کے ٹُر گیا ہائیں اوہ ساری کہانڑی یاد آسی

‎تیڈی تانگھ دے وچ پۓ جیندے آں ساڈے صبر وصار نہ چھوڑیں

‎دلگیر اسیر فقیراں دی گل کندھ تے مار نہ چھوڑیں

‎ہک گل تیکوں ول ول آکھی ساڈی قطعاً مہار نہ چھوڑیں

‎سائیں ساجد ساڈا ساحل ہیں ساکوں وچ منجھدار نہ چھوڑیں

‎ہمدرد نہ بنڑ ہمدرد میڈا سبھے درد ملے ہن تیں کولوں

‎ہک تیڈی آس تے جیندے ہائیں توں پُچھ گہن بھانویں جیئں کولوں

‎ناسے درد تُوں واقف بے دردا آ ڈتے ہنی درد ہجراں دے

‎تییڈے درد نوں سینے لائ پھردے ڈیکھ حوصلے درد منداں دے

‎میڈے درد دا تیکوں درد ہوندا آ وڑدا وچ درداں دے

‎وچ درداں چھوڑ کے ونجڑاں ساجد نہیں ہوندے کم مرداں دے

بڑا شوق ہائ سانوں محبتاں دا دل کرچی کرچی تھی گیا اے

اے یار وچھوڑا سجنڑاں دا سارا خون جگر دا پئ گیا اے

‎جیندے دل دے وچ کوئ کھوٹ نہیں اُو تاں لگئیاں تُوڑ چڑھیندن

‎کیتے وعدے قسماں بھلدے نہیں گل گل تے پہرہ ڈیندن

‎ساہ ساہ دے نال وفا کردن بہاویں جتنے گھاٹے چیندن

‎جیہڑے ساجد اصل اصیل ہوندن ساری زندگی تُوڑ نھبیندن

‎انہاں پڑ دی ساکوں ہار ڈتی جہڑے ساجد گل دا ہار آسے

‎اج ویکھنڑ تو وی رہہ گۓ ہاں جہڑے کل تایئں جگری یار آسے